گود سبور//

وصل النجم المغربي اشرف حكيمي لعند المنتخب الوطني المغربي، باش يسافر معهم لميريكان للمشاركة فمونديال 2026.

اشرف حكيمي وصل ظهر اليوم الاربعاء لمركب محمد السادس لكرة القدم، فين كاين تجمع المنتخب الوطني المغربي، باش يسافر معهم هاد العشية فطيارة خاصة من مطار الرباط سلا لمريكان.

وكان اشرف حكيمي استفد من عطلة قصيرة باش يرتاح بعدما ربح دوري ابطال اوروبا مع باريس سان جرمان الفرنسي السبت اللي فات، وهذا الشي خلاه ما يكون فالماتش الودي ضد مدغشقر البارح الثلاثاء فتيران مولاي عبد الله فالرباط.