كود سبور//

أكد الدولي المغربي أشرف حكيمي أنه بقى فيه الحال حيث المنتخب الوطني المغربي الأولمبي ما قدرش يفوت دومي فينال أولمبياد باريس2024، بالخسارة البارح مع إسبانيا، وقال انهم غايديرو اللي فجهدهم باش يربحو الميدالية البرونزية.

وخرج أشرف حكيمي صباح اليوم الثلاثاء على أنستغرام ديالو وقال ميساج للجمهور المغربي: “محبط بسبب نتيجة البارح، غانديرو جهدنا كامل باش نربحو الميدالية البرونزية، كنشكركم على الدعم ديالكم وديما مغرب”.

وخسر المنتخب المغربي الأولمبي أمام إسبانيا بنتيجة 2 لواحد، فالدومي فينال البارح الاثنين، ودابا غايلعب على الميدالية البرونزية الخميس الجاي ضد المنتخب المصري، مع العلم أن المغرب لأول مرة كايوصل للدومي فينال فتاريخ مشاركات الكرة المغربية فالألعاب الأولمبية.