كود سبور//

وجه الدولي المغربي اشرف حكيمي نداء لجماهير الفريق ديالو باريس سان جرمان الفرنسي، باش يعاونوهم بالتشجيع فروتور دومي فينال دوري أبطال أوروبا، غدا الاربعاء ضد فريق ارسنال النگليزي فباربس، باش بتأهلو للفينال، واكد النجم المغربي ان المستوى ديالو تطور هذا الموسم ولكن مازال باغي يزيد يخدم على راسو، وان اللي مهم عندو هو الگروب.

وهضر اشرف حكيمي فتصريح له قبل روتور الدومي فينال بين باريس سان جرمان وأرسنال، اللي غايكون غدا فتيران حديقة الأمراء بباريس، وباغي يربح فيه هو وصحابو لتزكية نتيجة الذهاب بواحد لزيرو، وقال: “خاص آرسنال يحسو بينا فالتيران ديالنا، وغدا واه محتاجين جمهورنا كثر من شي وقت آخر”.

وبخصوص المستوى ديالو، قال اشرف حكيمي: “أنا فرحان بهذا الموسم، تطورت فيه بزاف، تقت فراسي كثر وزدت نضجت، مازا قادر نزيد نتحسن كثر ونخدم على اهداف فردية، ولكن المهم عندي هو الگروب ونربح الالقاب مع الفريق”.