كود سبور//

كشف الدولي المغربي أشرف حكيمي فحوار دارو مع قناة باريس سان جيرمان على عمق الصداقة ديالو مع النجم الفرنسي كيليان مبابي، واكد بلي عاونو بزاف ملي يالاه جاه لفرنسا باش يلعب مع PSG، وخصوصا وانه فالاول ما كانش كيدوي بالفرنسية ولكن مبابي سهل عليه يندمج دغيا مع الفريق والأجواء وهذا الخير ما غينساهش له.

اشرف حكيم وضح بلي العشرة ديالو مع مبابي مختلفة، حيث بزاف ديال اللاعبين كانوا معهم فالفريق وملي مشاو ما بقاوش كيتواصلو معهم، ولكن الصداقة اللي ما بينهم هما بجوج قوية بزاف وهذا الشي راه منعكس حتى على الأداء ديالهم بجوج داخل التيران وكيفاش كيفهمو بعضهم فالملعب وخارج الملعب غير بالعنين.

وبخصوص المستوى ديالو مع باريس سان جيرمان قال اشرف حكيمي انه مع المدرب الحالي لويس أنريكيكييلب منو يشارك هجوميا بشكل اكبر وانه يوصل بزاف للثلث الأخير فالتيران منطقة الخصم، واكد ان هذا الشي كيعجبو وكيرتاح فيه وكيحس براسو حر داكشي علاش كيتمتع وقال بلي المدرب فاهم شنو باغي هو كلاعب والأسلوب ديالو فاللعب كيجعبو.