كود سبور//

ما لاعبش الدولي المغربي اشرف حكيمي مع باريس سان جرمان، اليوم السبت ضد ستراسبورگ ضمن منافسات بطولة فرنسا.

وقرر الإسباني لويس إنريكي يخلي اشرف حكيمي مرتاح وما يلعبوش ضد ستراسبورگ، بحكم ان الفريق حسم لقب بطولة فرنسا، وهذا الماتش زايد ناقص، باش يبقى مرتاح ويكون واجد لمواجهة أرسنال الاربعاء الجاي فروتور دومي فينال دوري أبطال أوروبا.

وكان اشرف حكيمي وباريس سان جرمان ربحو أرسنال فلندن الثلاثاء الماضي بنتيجة واحد لزيرو فلالي ديال دومي فينال دوري ابطال اوروبا، ومعولين يربحو حتى فالروتور باش يتأهلو للفينال.