كود سبور//

تقلق الدولي المغربي أشرف حكيمي على الجمهور المغربي، حيث بداو كايصفرو عليهم بعد التعادل ديال المنتخب المغربي مع مالي فـ الماتش اللي فات ضمن الجولة الثالثة من كأس إفريقيا.

أشرف حكيمي وخلال الندوة اللي كاتسبق ماتش المغرب وزامبيا هضر وقال: “ماشي مقبول ولا معقول يصفر الجمهور على المنتخب وهدفي ندي الكأس سوا لعبت سوا ما لعبتش”.

حكيمي قال باللي الجمهور ديما كيرفع الطموح والمعنويات ديال اللاعبين، وأنهم محتاجين ليه باش يحسّو بالقوة، وكيأكد باللي المدرب وليد الركراكي هو الأنسب للفريق والهدف واضح وهو الفوز، والفريق متحد وروحو كبيرة. وختم باللي الجمهور المغربي غادي يشوف منتخب أحسن فالماتش الجاي ضد زامبيا.