گود سبور- وجدة//

اعتبر الدولي المغرب أشرف حكيمي أن أهم حاجة فالتوقف الدولي ديال مارس، هو المنتخب المغربي خدا 6 النقاط من 2 رباحات على النيجر وتنزانيا ضمن إقصائيات كاس العالم 2026، ووجه ميساج للجماهير المغربية بتشجيع اللاعبين باش يربحو كأس إفريقيا 2025.

وهو أشرف حكيمي اللي غاب على الماتش ضد تنزانيا، وقال: “بغيت نبقى مع المنتخب المغربي واخا ما لعبتش ضد تنزانيا حيث أنا لاعب مهم بالنسبة للمنتخب، جمهورنا يستاهل نفرحوه”.

وكمل حكيمي، وقال: “هذا التوقف الدولي ما كانش ساهل، وگاع المنتخبات كاتسنانا، وبزاف من المنتخبات الكبيرة مازال ما حسمت تأهلها لكاس العالم 2026، وحنا حققنا الحاجة المهمة فهاد التوقف وهي خدينا 6 النقاط من 2 رباحات”.

وزاد أشرف حكيمي، وقال: “خاصنا نكملو فهاد الخدمة، ومحتاجين للدعم والتشجيع ديما من جمهورنا باش نكملو فتحقيق النتائج المزيانة ونربحو كاس أفريقيا”.