كود سبور//
أكد الدولي المغربي اشرف حكيمي نجم باريس سان جرمان الفرنسي، انه بالفعل الام ديالو هي اللي كاتحكم فالفلوس ديالو والثروة اللي عندو، ولكن وضح ان هذا الشي ما عندو علاقة بالزواج والطلاق من الممثلة الإسبانية من اصل تونسي هبة ابوك، بعدما راج على انه كتب الأملاك ديالو كاملة باسم ماماه باش ملي طلق أبوك ما يقسمش معها الثروة ديالو، وكشف ان الام ديالو كانت كاتحكم فالفلوس ديالو من صغرو وملي بدا كايلعب الكورة وانها مازال حتى لدابا واصلا هادي هي المهمة اللي مكلفها بها والوظيفة ديالها، وهذا الشي ما عندو علاقة لا بزواج ولا بطلاق.
وخلال برودكاست ABtalks جاوب اشرف حكيمي على سؤال “الاخبار كانت منتشرة بخصوص الثروة ديالك وفلوسك وممتلكاتك انها كانت بإسم الام ديالك واش هذا الشي درتيه ملي كنت صغير ملي كنت مراهق؟” وضحك حكيمي وقال: “في الحقيقة الأمر كما قلت عندما كنت صغيرا، في كرة القدم واتحدث دائما عن كرة القدم، والحقيقة هي أنني منذ أن كنت صغيرا استطعت جني الأموال من كرة القدم، لكنني لم أتمكن من ادارتها لذلك كانت أمي هي من تدير كل ذلك ولذلك تعلمت منها كيف أدير كل تلك الأشياء، وهي التي ساعدتني على التعامل معها، فأنا دائما أسألها عما يتعلق بالمال عند شرائي لمنزل، سيارة، او عندما احصل على الكثر من المال، ولهذا السبب قررنا انها لن تعود إلى العمل لأننا أدركنا انه يمكن ان يكون هناك ترتيب جيد بيننا لهذا فهي كانت تدير كل شيء”.
ووضح اشرف حكيمي، وقال: “اعتقد ان هذا الامر جيد ففي النهاية عندما تملك المال والشهرة قليل من الأشخاص يمكنك الوثوق بهم، وأمّك هي الشخص الوحيد الذي سيحبك سواء كنت صاحب مال ام لا، وفي حال امتلاكك للمال ستحاول ان تحفظه لك لكي تتمكن طوال الوقت من ان تمتلك هذا المال وما غاديش تحاول تسرقك لأنه مال تحصلتو عليه بجوج وحيث فلوسك هما فلوسها، حيث هي فاشي كانت خدامة كانت كاتقسم معي فلوسها، وحتى لدابا راه الوالدة ديالي كاتبغي ليا غير الحاجة الزوينة ، وما تبغيش ليا شي حاجة خايبة لا أنا ولا خوتي ولا عائلتي، داكشي علاش هي الشخص اللي نقدر نثيق فيه وتقدر تعاوني بالإضافة لخوتي حتى هما”.
وتوجه لحكيمي سؤال “يعني هذا الشي ديال تدبير الثروة ديالك كان ديما بحال هاكدا، وماشي بسبب الزواج؟” وجاوب النجم المغربي وقال: “لا هذا الشي ما عندو علاقة بالزواج وكيفما قلت هذا الشي كان هاكدا من الطفولة ديالي حيث واخا درت 18 عام ما كنتش نقدر نخدم الحساب البنكي ديالي، وكانت الوليدة هي اللي كاتحكم فكل شي، وحيث الأمور مشات مزيان خليناها غاديا هكداك وخصوصا ملي تزاد النجاح ديالي، وانت عارف مزيان راه الام مديرة الدار، كانت تتحكم فكلشي وكنا كانعاودو لها كلشي داكشي علاش كانت تتحمل مسؤولية هاد الحوايج”.