كود سبور//

عبر الدولي المغربي اشرف حكيمي على الفرحة بالرباح اللي حقق المنتخب الوطني المغربي الاولمبي على الأرجنتين فإفتتاح أولمبياد “باريس2024”، وفنفس الوقت ما عجبوش الحالي حيث شي مشجعين نزلو للتيران.

https://www.instagram.com/p/C90V5_jg1zy/?igsh=MThzZm5lOG1obzdxbw==

وخرج اشرف حكيمي وشارك فرحة الرباح على الأرجنتين بنتيجة 2 لواحد مع الجمهور المغربي، وقال فأنستغرام: “بدينا الاولمبياد برباح مهم”.

كابيتان المنتخب المغربي ما نسّاهش الرباح فداكشي اللي وقع فالماتش ضد الأرجنتين، وقال: “للأسف تصرفات بعض المشجعين فالماتش شوهت صورة جمهورنا الوفي، وبحال هاد السلوكات ما عندهاش بلاصة فالكورة وديما مغرب”.

وتوقف ماتش المنتخب المغربي والارجنتين البارح الاربعاء، ملي ماركاو الأرجنتينيين هدف التعادل بعدما زاد الحكم 15 دقيقة غريبة وعجيبة كوقت بدا ضائع، وهما ينزلو شي مشجعين وبدات الفوضى فالتيران فسانت اتيان، وتقرر استئناف الماتش بعدما دازت كثر من ساعتين وبلا جمهور، وتقرر معه الغاء هدف الأرجنتين بداعي التسلل.