گود سبور//

احتج الدولي المغربي اشرف حكيمي نجم باريس سان جرمان الفرنسي على اقامة ماتش فينال السوبر الفرنسي ضد لانس، فتيرانهم “بولار دولولي”، وهو الفينال اللي خسرو الفريق ديالو بنتيجة واحد لزيرو.

وفتصريح له ف”Ligue +1” بعد الماتش، قال اشرف حكيمي: “لعبنا بزاف ديال الماتشات النهائية فتيرانات محايدة، وعمر نص التيران بجمهورنا والنص لاخر بجمهور الخصم، واليوم حسيت بحالة لاعبين ماتش فبطولة فرنسا، حيث كنا لاعبين خارج تيرانا، إلى بغينا نطورو بطولتنا، راه خاصنا نردو البال لهذا الشي،هذا ماشي عذر، واخا الخصم استفاد منو شويا”.

وكمل حكيمي وقال: “غادي نكملو الخدمة ونوجدو للماتش الجاي، ونرجعو اللياقة ديالنا، واخا كاينين شي لعابا ما تدربوش بزاف، والتداريب الحقيقية ديالنا هما الماتشات.”

للإشارة فأشرف حكيمي كون ربح كاس السوبر الفرنسي البارح مع باريس سان جرمان، كان غادي يعزز الرقم ديالو القياسي كأكثر لاعب افريقي ربح الالقاب فأوروبا، واللي وصل دابا لـ19 لقب.