كود سبور//

عبر الدولي المغربي أشرف حكيمي على الفرحة ديالو حيث تأهل مع المنتخب المغربي الأولمبي لدومي فينال أولمبياد باريس2024، وعبر على الافتخار ديالو بهذا الشي وأنه باغي يربح ميدالية مع الأسود.

وبعدما ربح المنتخب المغربي الميريكان فربع النهائي بنتيجة 4 لزيرو وتأهل للدومي فينال، قال أشرف حكيمي فتصريح له: “فرحانين بهاذ التأهل وكنشكر الجمهور اللي ديما معنا وشكرا لگاع المغاربة وبغينا نكملو بحال هاكدا”.

ووضح حكيمي بخصوص الماتش ضد الميريكان: “بدينا الماتش مزيان، والهدف ديال سفيان رحيمي حل لنا الماتش وبدات المباراة كتسهال بعدما ماركينا الثاني والثالث”.

وأكد كابيتان المنتخب المغربي: “حنا هنا باش نفرحو المغاربة كاملين وهذا شرف ليا وفرحان بزاف حيث كانكتب التاريخ مع بلادي وبغينا نربحو ميدالية”.