كود سبور//
عبر الدولي المغربي أشرف حكيمي على الفرحة ديالو بالتتويج بجائزة أحسن لاعب إفريقي كايلعب ففرنسا.
وقال أشرف حكيمي فتصريح لقناة France 24 الفرنسي: “فخور حيث ربحت هاد الجائزة وهذا الشي كايبين الخدمة اللي كانديرها هادي أعوام وراني فرحان بزاف”.
وكمل النجم المغربي، وقال: “وهذا الشي كيبين حتى الموسم المزيان اللي مدوز أنا والفريق ديالي باريس سان جرمان ونتمنى نكملو هاكدا”.
ونجح أشرف حكيمي وقاد باريس سان جرمان للتتويج ببطولة فرنسا هذا الموسم وكأس فرنسا، وأهل الفريق لفينال شومبينزليگ اللي غايلعبوه ضد أنتر ميلان الطالياني.
