كود سبور//

عبر الدولي المغربي أشرف حكيمي على الفخر ديالو حيث مرشح وبقوة للتتويج بجائزة أحسن لاعب إفريقي لعام 2024، اللي كايعطيها الاتحاد الأفريقي لكرة القدم (الكرة الذهبية)، واعتبر أن التتويج ديالو بهذه الجائزة إلى وقع، فهو نتيجة للخدمة ديالو ملي كان صغير، وأكد أنه باغي يربحها ويحتفل بها بحضور الأم ديالو وولادو.

وهضر أشرف حكيمي وقال في حوار مع الموقع الرسمي ديال الفريق ديالو باريس سان جرمان الفرنسي، على الترشح لجائزة أحسن لاعب أفريقي لعام 2024: “فخور بزاف حيث تم ترشيحي للتتويج بهذه الجائزة، وأنا فرحان بهذا الشي اللي جا نتيجة الخدمة اللي درت ملي كنت صغير، وكتعطيني حافز للمستقبل باش نزيد نخدم كثر ونترشح للتتويج بهذه الجائزة مرة اخرى فالمستقبل”.

وكمل حكيمي وقال: “إلى ربحت هذه الجائزة غاتكون لحظة مهمة عندي بزاف وباغي ندوزها مع الأم ديالي وولادي، وبغيتهم يكونو معيا إلى ربحتها، حيث عائلتي هي أهم حاجة عندي، وهما ديما معيا سوا فالأوقات المزيانة او الصعبة داكشي علاش باغي نتمتع معهم بهذه اللحظة”.