كود سبور//
ما تدربش الدولي المغربي اشرف حكيمي مع باريس سان جرمان الفرنسي فأول حصة تدريبية لهم بعدما خسرو مع بوتا فوكو البارازيلي فالجولة الثانية من كاس العالم للأندية.
ودار اشرف حكيمي تداريب خفيفة فلاصال، وغير هو بوحدو اللي ما حضرش تداريب باريس سان جرمان فالتيران، حيث عيا وقرر الطاقم التقني ديال الفريق الفرنسي يخليوه يرتاح.
ولاعبين باريس سان جيرمان الاثنين الجاي الماتش الثالث لهم ضد سياتل ساندرز الميريكان وخاصهم يربحو باش يتأهلو للدور الثاني، مع العلم انهم ربحو الماتش الاول ضد اتليتيكو مدريد.
