كود سبور- فاس//

عبر الدولي المغربي اشرف حكيمي على الفخر ديالو حيث منافس على الكورة الذهبية ويكون واحد من احسن اللاعبين فالعالم، واكد انه هو ولاعبين المنتخب المغربي باغيين يربحو كاس أفريقيا ويفرحو المغاربة.

وقال اشرف حكيمي فتصريح له بعد فوز المغرب على تونس فماتش ودي البارح الجمعة فتيران فاش بنتيجة 2 لزيرو، ماركا منهم هو الهدف الاول: “الماتش ضد تونس كان صعيب وربحناهم بعدما قالو غايجيو يربحونا وكانشكر الجمهور اللي شجعنا واللاعبين اللي دارو جهدهم كامل وغانديرو كل ما عندنا باش نربحو كاس أفريقيا”.

وبخصوص الترشح ديالو للكورة الذهبية، قال اشرف حكيمي:  “شرف ليا ننافس على البالون دور ونكون من احسن اللاعبين فالعالم”.