كود سبور//

عبر الدولي المغربي أشرف حكيمي نجم باريس سان جرمان الفرنسي على الفرحة ديالو حيث ربح دوري أبطال أوروبا مع الفريق الفرنسي، بالفوز على أنتر ميلان الإيطالي فالفينال البارح السبت بألمانيا، وأكد أن هذه اللحظة تاريخيّة وتسناوها بزاف ديال الوقت ودابا خاصهم يحتافلو بها.

وهضر أشرف حكيمي مول الهدف الأول ديال باريس سان جرمان على انتر ميلان فالفينال اللي سالا بنتيجة 5-0، وقال: “تسنينا هذه اللحظات بزاف، وخدمنا بزاف، بدينا الماتش مزيان وكنا تايقين فالإمكانيات ديالنا، وراني فرحان حيث عاونت الفريق ديالي وسيطرنا على الماتش”.

وكمل النجم المغربي: “ما كناش كانتخايلو هذا السيناريو يوقع فهاد الماتش، هادي لحظة تاريخية وشي حاجة واعرة تدخل للتاريخ، ملي جيت لباريس سان جرمان قلت بلي راني باغي ندخل للتاريخ، ونجحنا فهذا الشي بالخدمة، باريس سان جرمان وباريس كلهم تسناو هاد اللحظة، ودابا خاصنا نتمتعو بها ونحتافلو”.