گود سبور//

كشفت جريدة “ليكيب” الفرنسية، ان سبب حرمان الدولي المغربي اشرف حكيمي عن اللائحة المنافسة على جائزة فيفيان فوي لأحسن لاعب افريقي للموسم الرياضي 2025-2026، عندو علاقة بقضية الاغتصاب المتهم فيها ففرنسا.

وحسب الجريدة الفرنسية، فالظهير الأيمن المغربي د باريس سان جرمان ما كاينش فلاليست 11 لاعب المنافسين على الجائزة، حيث متهم فقضية قانونية، ووضحت ان احد المعايير لاختيار المرشحين كاينص على ضرورة التحلي بسلوك مثالي داخل للتيران وبرا.

اشرف حكيمي مول 27 عام اللي ربح الجائزة الموسم الماضي، تحال الملف ديالو على المحاكمة فباريس ففبراير اللي فات بتهمة اغتصاب شابة ففبراير 2023، وبالمقابل فالنجم المغربي كاينكر هذا الشي وكايأكد البراءة ديالو من هاد التهمة، والمحامية ديالو كاتقول انه ضحية ابتزاز ونصب من هاد البنت وكاينين ادلة على هذا الشي.