كود سبور//

غايكون الدولي المغربي أشرف حكيمي حاضر مع باريس سان جرمان ضد موناكو اليوم الجمعة في قمة البطولة الفرنسية، بعدما حامت الشكوك حول الصحة ديالو.

وأعلن باريس سان جرمان الفرنسي، عن لائحة الفريق اللي غاتكون ضد موناكو اليوم الجمعة برسم الدورة 21 من بطولة فرنسا، ومن ضمن الحاضرين فلاليست كاين النجم المغربي أشرف حكيمي، اللي كان غاب البارح الخميس على آخر حصة تدريبة قبل الماتش.

وكان قال الإسباني لويس إنريكي مدرب باريس سان جرمان أن أشرف حكيمي عيان شويا وما عاندوش شي حاجة خطيرة، ولكن فهاد الجو البارد اللاعبين كايقدرو يمرضو.