گود سبور//

واصل الدولي المغربي أشرف حكيمي التألق مع باريس سان جرمان الفرنسي، وساهم فتأهل الفريق إلى نهائي كاس العالم للأندية برباح على ريال مدريد الإسباني فالدومي فينال اليوم الأربعاء فنيوجيرسي الميريكانية.

وسالا الماتش بين باريس سان جرمان وريال مدريد بنتيجة 4-0 لمصلحة أشرف حكيمي وصحابو، وكيف العادة خلى النجم المغربي البصمة ديالو فالرباح ديال الفريق الفرنسي، حيث هو اللي عطى اسيست ديال الهدف الثالث.

وبهذا التألق كايواصل اشرف حكيمي تعزيز الموقف ديالو كواحد من احسن اللاعبين فالعالم حاليا، ومرشح قوي مع صاحبو فالفريق الفرنسي عثمان ديمبيلي للتتويج بالكورة الذهبية لأحسن لاعب فالعالم لعام 2025، وراه ديمبيلي ماركا على ريال مدريد.