كود سبور//

أكد النجم المغربي أشرف حكيمي أن حظوظ الفريق ديالو باريس سان جرمان مازال قوية باش يتأهل لفينال دوري أبطال أوروبا، واخا خسرو لالي الدومي فينال مع بروسيا دورتموند الألماني فلالمان بواحد لزيرو، وقال إن الفرصة كاينة عندهم فالروترر ففرنسا باش يتكاليفاو.

وهضر أشرف حكيمي اللي كان أحسن لاعب فباريس سان جرمان ضد بروسيا دورتموند ملي سالا الماتش، وقال: “الماتش كان صعيب وحنا كاعيين حيث ما درناش نتيجة إيجابية بالمقارنة مع المستوى اللي قدمناه، خلقنا بزاف ديال الفرص ودرنا مجهود كبير، ودابا غانرتاحو ونوجدو لماتش الروتور”.

وكمل حكيمي: “حنا عندنا ثقة كبيرة فريوسنا، ومتأكدين أننا غانديرو الفرق وما نتساوش بلي جمهورنا غايعاونا، وعندي ثقة كبيرة فصحابي اللاعبين اللي كيزيد ثقتي فيهم هي الفرص الكثيرة اللي صنعنا ودابا خاصنا نوجدو باش نتأهلو للفينال”.