كود سبور//

رحب الدولي المغربي اشرف حكيمي، بمحمد وهبي المدرب الجديد للمنتخب الوطني المغربي وتمنى تحقق معه ليكيب ناسيونال الانجازات، وودع الناخب الوطني السابق وليد الركراكي وتمنى له التوفيق.

وقال اشرف حكيمي كابيتان المنتخب المغربي، فتصريح نشراتو شبكة bein sports: “مرحلة وليد الركراكي سالات وعشنا معه لحظات زوينة بزاف، وحققنا معه حوايج مهمين وكتبنا جزء من تاريخ كرة القدم المغربية، وكانتمنى له كل التوفيق فالمسيرة ديالو ومع عائلتو وكايتسهل كل الخير وغادي يبقى جزء من تاريخ المغرب”.

وبخصوص محمد وهبي المدرب الجديد د المنتخب المغربي، قال اشرف حكيمي: “فنفس الوقت كانرحبو بالمدرب الجديد والطاقم التقني الجديد ديالو وعندنا هدف كبير فالمرحلة المقبلة هو الاستعداد مزيان لكاس العالم، وغادي نخدمو بجدية وجهدنا كامل، وكانتمناو نحققو إنجازات كبيرة معه”.