كود سبور//
كينافس الدولي مغربي اشرف حكيمي نجم باريس سان جرمان الفرنسي على جائزة احسن لاعب افريقي فبطولة فرنسا للموسم الرياضي 2023-2024.
وعلنو راديو “rfi” و “France 24” على لاليست ديال اللاعبين المرشحين لجائزة “مارك فيفيان” الخاصة بأحسن لاعب إفريقي فبطولة فرنسا، وفيها النجم المغرب المغربي اشرف حكيمي بطل فرنسا مع PSG ، والگابوني بيير أوباميانگ لاعب أولمبيك مارسليا، والجزائري نبيل بنطالب لاعب ليل، وكيبقى حكيمي هو الأقرب فهاد المرشحين باش يربحها حيث ربح بطولة فرنسا ولاعب دومي فينال شومبيونزليگ.
وفايت ربحو 3 لاعبين مغاربة جائزة “مارك فيفيان” ديال احسن لاعب افريقي ممارس فبطولة فرنسا، والأول هو مروان الشماخ عام 2009 ملي كان مع بوردو، والثاني سفيان بلهندة مع مونوبولي عام 2012، وسفيان بوفال مع ليل عام 2016.
