كود هناء ابو علي ///

14 وجه جديد فحكومة اخنوش اللي فيها 30 وزير ووزير منتدب وكاتب دولة. غير هاد لوجوه ما فيهش غير 3 عيالات. وزيرة استقلالية وهي نعيمة بنيحيى هي وزيرة التضامن والإدماج الاجتماعي والأسرة ووزيرة منتدبة وهي أمل الفلاح السغروشني اللي ولات الوزيرة المنتدبة لدى رئيس الحكومة المكلفة بالانتقال الرقمي وإصلاح الإدارة. هادي محسوبة على البام. وكاينة ثالثة من التجمع الوطني للاحرار اللي جاب كاتبة دولة وهي زكية الدريوش: كاتبة الدولة لدى وزير الفلاحة والصيد البحري والتنمية القروية والمياه والغابات المكلفة بالصيد البحري

حشومة هاد العدد قليل من لعيالات. حشومة حزب الاستقلال كان اكثر تقدمية. دارو وزيرة فقطاع مهم وهي وزيرة التضامن والادماج الاجتماعي والاسرة. جا بعدها البام اللي جابت وزيرة منتدبة وهي امل الفلاح السغروشني خدات وزارة الانتقال الرقمي وإصلاح الإدارة. عاد الاحرار اللي رشح زكية الدريوش غير ككاتبة دولة مكلفة بالصيد البحري.

بالنسبة للاستقلال والبام عوضو وزيرة بوزيرة. يعني ما جابو حتى شي مرا لشي قطاع جديد. حتى فكتابة الدولة. كانو 6 وكل حزب عندو جوج. بالاستثناء الاحرار كلشي جاب رجالات