وكالات//
حكمات محكمة فرانساوية على جوج عيالات فرانساويات باش يخلصو غرامة مالية ثقيلة بعدما طلقو إشاعة ضد مرات الرئيس، بريدجيت ماركون.
وكانو هاد الجوج طلقو واحد الاشاعة على السوشيال ميديا كيقولو فيها ان بريدجيت ماكرون ماشي امرأة وانما متحولة جنسيا.
على حساب ما جا في الجورنال ديال “لوموند” الفرانساوي، فمحكمة الجنايات في باريس حكمات على هاد الجوج انهم يخلصو 8 آلاف أورو لمرات الرئيس و آلاف5 أورو لخوها جان ميشيل تروجنيوكس.
هاد الشائعات ماشي جديدة ولكن انتاشرات بزاف قبل الانتخابات ديال 2022.
