وكالات//

محكمة فإسطنبول دارت واحد البند غير عادي فـ اتفاق الطلاق بين راجل ومرتو، كينصّ على أن الراجل خاصو يخلص نفقة خاصة بالمشاش اللي كانو عايشين معاهم ففترة الزواج! وهاد الخطوة اعتابروها الناس الأولى من نوعها فالبلاد.

حسب ما قال موقع “أوديتي سنترال”، الراجل بوغرا ب. ومرتو إزجي ب. تفاقو يتفرّقو بالتراضي، ولكن المرا هي اللي غادي تبقى عندها الحضانة ديال جوج مشاش ديالهم، طول حياتهم اللي ممكن توصل حتى لـعشر سنين.

وفهاد الاتفاق، الراجل وافق يخلص 10 آلاف ليرة تركية (يعني تقريباً 240 دولار أمريكي) كل ثلاثة شهور، مع زيادة كل عام حسب مؤشر الأسعار اللي كيعطيه معهد الإحصاء التركي، باش يغطي المصاريف ديال الأكل، والعناية، والطبيب البيطري ديال القطط.

ورغم أن لا الراجل لا المرا طلبو فلوس ولا تعويض، البند ديال “نفقة القطط” خلا النقاش كيغلي فتركيا على حقوق الحيوانات الأليفة بعد الطلاق، واش ممكن ولا لا يديرو بحالو فـ قضايا أخرى فالمستقبل.