كود – diariodealmeria //

حكمات محكمة ألميريا على مغربي كان محبوس احتياطياً بسباب فعايل خطيرة دارها ضد المجتمع المسيحي فسيمانة الالام، المحكمة وافقات تعوّض عقوبة الحبس بالطرد من إسبانيا، ومنعاتو يدخل لها مدة سبع سنين.

القضية بدات ليلة 10 ـ11 أبريل 2025، ملي المتهم قطع راية كبيرة فيها صورة المسيح كانت معلّقة فدار جارو حتى خرج كيدور فالحومة وهو هاز موس كبير كيغوّت وكيسب السكان لي كانوا غاديين للكنيسة، قبل ما يهجم عليهم وسطها مني كانو كيصليو.

رجع المتهم مورا يومين لنفس الكنيسة ووجهو عامر بالدم، ومشى حتى للمذبح وبدأ كيعاير الناس ويسبهم، المحكمة تهماتو بجريمة تهديد جماعة دينية، والتشويش على الشعائر الدينية، وزادت عليها السرقة، وحكمت عليه بعامين، مع غرامة مالية  ومن بعد تم تعويض الحبس بالطرد من إسبانيا.