الرئيسية > آراء > حقا أن كل حيط خاوي في مراكش مكتوب فيه آسفي حيوانات المغرب ولكن هذا مكيعطيش لحق لولاد آسفي يديرو ديك المجزرة فالمراكشيين من بعد الماتش وهادشي خاص يتعاقبو فيه حتى صحاب الصفحات لي دعات للعنف وحرضات عليه من قبل الماتش.
08/06/2019 13:00 آراء

حقا أن كل حيط خاوي في مراكش مكتوب فيه آسفي حيوانات المغرب ولكن هذا مكيعطيش لحق لولاد آسفي يديرو ديك المجزرة فالمراكشيين من بعد الماتش وهادشي خاص يتعاقبو فيه حتى صحاب الصفحات لي دعات للعنف وحرضات عليه من قبل الماتش.

حقا أن كل حيط خاوي في مراكش مكتوب فيه آسفي حيوانات المغرب ولكن هذا مكيعطيش لحق لولاد آسفي يديرو ديك المجزرة فالمراكشيين من بعد الماتش وهادشي خاص يتعاقبو فيه حتى صحاب الصفحات لي دعات للعنف وحرضات عليه من قبل الماتش.

محمد سقراط-كود///

لي شاف داك الفيديو ديال الضرب والجرح والإهانة ومحاولات القتل لي تعرض ليها جمهور مراكش فآسفي غادي يعرف بلي هادشي مابقاش غير تشجيع ديال الكورة راه ولات حرب أهلية بين جمهور الفراقي وبين جمهور الفرقة الواحدة نفسها، بنادم كلو دمايات والضرب بالجناوا والسيوفة وتهباط السراول وبحال الى ولاية الرقة هادي ماشي آسفي، وهادشي ماشي جديد بل جاي وكيتطور منذ سنوات ومؤخرا دخل فيه حتى الإعلام بكاع الأنواع ديالو، فالبرامج الحوارية مع المشاهير ديما كيتردد السؤال العبيط ديال واش نتا رجاوي ولا ودادي بحال الى غير هوما لي كاينين فالمغرب، المواقع مقسمين لرجاويين ووداديين، ولينا بحال السنة والشيعة وشي يسب فشي والحرب نايضة فالمواقع والفايسبوك غير على كورة.

بزاف الصفحات الفايسبوكية ولات فيروس حقيقي لنشر والتحريض على العنف وعلى الأفكار الهدامة والعدمية، وهادشي لي شفنا وقع للمراكشيين فآسفي راه البدية ديالو كانت ففايسبوك، حقا كاين عداء قديم بين هاد جوج مدن ومكاينش شي حيط فمراكش خاوي ممكتوباش عليه آسفي حيوانات المغرب، ولكن عمرها وصلات الأمور لهاد المجزرة كان داكشي حدو كورة والتشجيع والطليعة، ماشي هاد المصيبة لي موثقة بالفيديوات، وجمهور الكورة ولاو وسط منو عصابات خاصة كتلاقى الجمهور الخصم مع الخرجة ديال المدينة ويتكرفصو عليه، واش زعمة المحزن غالبو هادشي طبعا لا، ولكن لحد الآن كاين تساهل حيت هاد التقسيم العرقي لمغاربة إنطلاقا من تشجيعهم لفرق معينة، راه وللى طاغي بزاف فالإعلام والمواقع الإجتماعية وهادشي راه نوعا ما فات لحد وخرج على السيطرة.

الى غادي يتحارب هادشي خاص يبدى من الإعلام وبالخصوص المواقع الإخبارية والراديو، ويدوزو لصحاب الصفحات لي كتدعي وتحرض على العنف أو لي كيتباهاو بنشر صور وفيديوات الغزوات ديالهم ، هادشي لي وقع فآسف يراه مكانش مجرد إعتداء بل كان كولشي كيصور بغرض الإذلال، بنادم محيدين ليه حوايجو وضاربينو مكرفصين عليه ومصورين هادشي من لفوق وحاطينو كيتباهاو بيه، داعش صافي، راه شبه حرب أهلية هادي، بنادم كره كورة غير بسباب هاد النوع من المشجعين سواء العنيف فالواقع او العنيف حتى فالفايسبوك راه بحال بحال.

موضوعات أخرى