كود مكناس ///

ليلة الاثنين 20 ابريل لثلاث 21 ابريل 2026 تعدى نبيل زنيبر ولد غيثة زنبير امبراطورة الفواكه والشراب فالمغرب على مستخدمين فاوطيل مكناسي معروف.

هاد لملايري للي ولى رجل اعمال بالورث كان مع ناس فيهم شخصيات معروفة وهو يتهجم، حسب شهود عيان ل”كود” على جوجت لبنات. سبهم قال ليهم، يضيف شاهد عيان ل”كود” ب”لقحاب”. طبعا وحدة فيهم دافعات على راسها ودفلات عليه ومشات.

السيد اللي كان فشي شكل وبعد حفلة رسمية دارتها “كومادير” ضواحي مكناس وحضروها وزراء الفلاحة فالبرتغال وفرانسا والمغرب طبعا وشخصيات مغربية، جا لوطيل مع شي ناس وكمل سهرتو.

داز، مصدر “كود”، من كليان لوطيل لمستخدميه. ضرب جوج وتعدى على ريسيبسيونيست. الغريب ان مول لوطيل كان حاضر. شاف حقارة هاد لملايري ولقى ليه الاعذار. كثر من هادا كيعرفو مزيان ماشي غير لانهم ولاد مكناس، اللا. جامعاهم النسوبية.

شي وحدين من الحاضرين شافو معدن هاد نبيل وهما يمشيو فحالهم. كانو يعيطو للبوليس.

تصورو هادا عندو رخصة السلاح ورئيس شي جمعية ديال الصيد. خاصو تيست بسيكولوجيك، اما هادوك اللي تعدى عليهم ما يقدروش يتابعوه قضائيا. خايفين على رزقهم