كود الرباط//

حقارة بعض المتطرفين، من الدعاة السلفيين فسوس، بانت فإضرابات الأساتذة، غاتخرج واحد يدعى بـ”أبو عمار” كيقول بلي إضراب الأساتذة فيه خير حيثاش التلاميذ رجعو يقراو القرآن فالمساجد.

وجاء في شريط فيديو متداول على تيك توك، أن الشيخ السلفي أبو عمار كيقول بلي: “الإضراب ديال الأساتذة والله يلا زوين، بغض النظر عن المسائل الشرعية حول المظاهرات، رجعو الأولاد للجامع وكيقراو القرآن”.

وتابع: “ديرو سنة بيضاء ولا سنة كحلة مهم تلاميذ رجعو يعمرو جوامع..”.

هاد الشيخ باقي كيجول فسوس وفالعراسات والمناسبات الأسرية والاجتماعية فالقرى والمدن، بلا ما يتوقف وهو لي كيسب ويحرض ضد الفنانين وكيعتبر الموسيقى حرام وو. دبا دخل لمرحلة جديدة فالتطرف والتحريض ضد الدولة عبر تشجيع إضرابات الأساتذة اللي الضحية فيها هوما الأسر المغربية ووليداتهم ومستقبالهم والنظام العام.