كود سبور//

أكد حفيظ عبد الصادق مدرب الرجاء الرياضي، أن الفريق ما غايقدرش يدير انتدابات خلال الميركاتو الشتوي الحالي.

وقال حفيظ عبد الصادق في تصريح له بعد تعادل الرجاء الرياضي مع اتحاد طنجة ضمن مؤجل الدورة 17 من البطولة: “اللاعبين عليهم ضغط، وهاد اللاعبين اللي عندنا دابا وما كاينينش شي وحدين اخرين، يعني خاص نشجعوهم ونساندوهم حيث هما اللي كاينين حتى لآخر العام، وفي آخر السنة غانهزو حنا راية بيضا وغانقولو ما صالحينش لينا هادو.. دابا كانقولو أغلبية هاد اللاعبين ما صالحينش للرجا ولكن شنو البديل؟ راه هاد اللاعبين هما اللي كاينين وغانحاولو نخدمو معهم وخاصهم يخدمو فالتيران حيث الجدية والعمل هما اللي غايخرجونا لبر الأمان”.

ويعيش الرجاء الرياضي هذا الموسم أزمة حقيقة حيث الفريق غارق فالنتائج السلبية، وودع دوري أبطال إفريقيا والحظوظ ديالو ولات قليلة بزاف للمنافسة على البطولة الاحترافية، والجمهور ما راضيش على أغلب اللاعبين وخصوصا اللي جاو خلال ميركاتو الصيف الماضي، والنادي مطالب أنه يخلص حوالي 2 المليار باش يرفع المنع من التعاقدات فهاد الميركاتو اللي غايسالي مع نهاية يناير الحالي.