وكالات//

البارح الجمعة، كان حفل الافتتاح الرسمي لدورة الألعاب الأولمبية الصيفية 2024، وواخا كانت الشتا داكشي داز زوين.

ودار الحفل خارج الملعب الأولمبي، على طول نهر السين، فسابقة من نوعها فتاريخ الألعاب الأولمبية.

https://x.com/igormirandasite/status/1816903965230957024?s=61

7000 رياضي كيمثلو الدول المشاركة، جاو فوق باركووات فالنهر الباريسي.

واستعرض الوفد الرياضي المغربي فوق مركب كبير، ورفعات الدرابو المغربي لاعبة الگولف إيناس لقلاليش والفارس ياسين الرحموني.

وتابعو العرض تقريبا 360 ألف متفرج فمختلف المواقع، وأكثر من مليار مشاهد فالتلفا. وضواو بعض أشهر المعالم الأثرية الباريسية، بحال برج إيفل ومتحف اللوفر وكنيسة نوتردام.

الراقصون والموسيقيون والممثلون والمغنون والمتزلجون كانو فوق السطوحا ديال البنكان والقنطرات والموبلات، مؤلفين 12 لوحة فنية بينات التراث الفرنسي، وهادشي تدار حسب نص شاركت فكتابتو الروائية المغربية ليلى سليماني.

سيلين ديون وليدي گاگا وآيا ناكامورا غناو. وكان مزج بين الموسيقى الالكترونية والميطال والموسيقى الكلاسيكية.

وكان فهاد الافتتاح احتفال بالمثلية والحرية وتقبل الاخر، وهادشي طبعا كره وعصب شي وحدين خاصة المتزمتين والمحافظين والمدعششين.