الوالي الزاز -كود- العيون///

[email protected]

بشّرت الجزائر، اليوم الخميس، المملكة المغربية بقرار فرنسا الداعم لمبادرة الحكم الذاتي عبر بيان رسمي اصدرته وزارة خارجيتها.

الملاحظ على حساب ما تابعات “گود” هو حالة التخبط فالصفحات الرسمية ديال الحكومة الجزائرية وكريقة تعاطيها مع خبار فيه إنتصار للمغرب ولوحدته الترابية وكيكرس الإعتراف الدولي بسيادته على الصحرا.

“گود” تابعات الصفحات الرسمية ديال وزارة الخارجية الجزائرية وموقعها الرسمي، والكونط ديال نفس الوزارة على منصة التواصل الاجتماعي “فيسبوك”، وكذا الصفحة الرسمية ديال الرئاسة الجزائرية.

اللي لاحظات “گود” ووثقاتو هو العشوائية ديال هاد الصفحات الرسمية اللي كيكون التشر فيهم محسوب وعلى درجة مبيرة من الحذر وهو الشي اللي ما توفقوش فيه اليوم بسباب الرّجّة ديال الفرنسي اللي مازال لحد الآن ما تم الإعلان عنه لا من طرف باريس ولا من طرف الرباط.

“گود” وقفات أولا على نشر البيان جوج مرات فالصفحة الرسمية ديال وزارة الخارجية الجزائرية ف “فيسبوك”، قبل ما يتم حذف واحد من المناشير بجوج.

وبالإضافة لذلك إقدام وزارة الخارجية على حذف البيان من الموقع الرسمي ديالها بعد نحو ساعة من نشره، والإكتفاء بالبيان منشور على صفحة “فيسبوك” و منصة “إيكس”.

وزارة الخارجية ما اكتفاتش بهاد التخربيق ولكن بان أيضا أنه البيان كانوا فيه جوج نسخ، واحد فيهم في تاريخ اليوم 25 يوليوز وبيان آخر موقع بتاريخ 24 يوليوز وبجوجهم يتم الترويج ليهم من طرف الإعلام الجزائري.

مسألة أخرى وهي اللي غير مألوفة، وهو أن الصفحة الرسمية ديال الرئاسة الجزائرية لم تتطرق بتاتا إلى حدود كتابة هذه الأسطر مع البيان، على الرغم من أنها فالعادة كتنشر البيانات والزيارات والأنشطة، وآهر منشور اليوم الخميس الموافق لتاريخ 25 يوليوز 2024 كان قبل ثلاثة ساعات فقط حول “جائزة أفضل مصدر لعام  2023.

هاد التخبط والعشوائية كيبين لأي واحد فين واصل فيهم القرار الفرنسي فحالة كان صحيح، وكيبين أيضا مدى التحكم اللي كاين والتجاذبات اللي واقعة فمنظومة العسكر وهشاشتو.