وكالات//

كتعيش تونس أزمة اقتصادية كبيرة أثرات على الأسر لي ولات باغية غير تهرب، وكتلوح راسها في لبحر بشكل جماعي باش توصل للطاليان، باعتبارها أقرب نقطة أوروبية ليها.

الغريب أنه قبل يومين بنت تونسية وصلات للطاليان في فلوكة بوحدها بلا الأسرة ديالها لي بقات في تونس، ودابة الطاليان كتفكر كيفاش تجيب الأم والأب لعند بنتهم.

الأب التونسي حققو معاه البوليس في بلادو، وقال ليهم أنه كان ناوي يحرق هو وولادو ولكن مراتو وواحد من لولاد غرقو في أول الطريق، فاضطر أنه ينزل يعتقهم وخلا البنت لي عندها 4 سنين في لفلوكة.

الطفلة وصلات للطاليان وبالضبط لجزيرة لامبيدوزا بيخير وعلى خير وخداوها خفر السواحل لي حطوها في مركز الرعاية حتى تشوف اشنو دير مع الأسرة ديالها.

البنت مشات في فلوكة فيها أكثر من 70 واحد خرجات من سواحل مدينة مهدية التونسية.