عفراء علوي محمدي- كود//

اليوم الخميس 5 غشت، باطينا الروكور للمرة الثانية على التوالي فالإصابات بكورونا من نهار بان عندنا الوباء، بحيث تقاسو بيه 12039 واحد ف24 ساعة فقط، رقم خطير وكيخلع ولأول مرة نوصلو ليه.

واليوم 72 توفاو بسباب كوفيد، و423 دخلو للإنعاش غير هذ النهار، وهو رقم قياسي جديد بالنسبة للناس اللي كيدخلو للعناية المركزة فظرف 24 ساعة فقط.

التلقيح:

وصلنا فمجموع الملقحين بالجرعة الأولى ل14809114، بينما وصل فعدد اللي تلقحو كليا ل10733482.

الإصابات:

وتقاسو اليوم 12039 واحد من أصل 48203 واحد دار التحليلة، ووصل عدد المصابين فالمجموع ل665325.

ومؤشر الإصابة التراكمي وصل ل1825,1 لكل 100 ألف نسمة، بمعدل إصابة ديال 32,8 لكل 100 ألف نسمة فهذ 24 ساعة.

حالات الشفاء:

تشافاو اليوم 7350، ووصل الإجمالي ل590042، بنسبة تعافي ديال 88,7 فالمية.

الوفيات:

اليوم ماتو 72، ووصل هكذا عدد الوفيات ل10087، بنسبة فتك 1,5 فالمية.

الحالات النشيطة والحرجة:

وعدد الحالات النشيطة طلع ل65196، وعدد الحالات الحرجة وصل ل1472،من بعد تدهور حالة 423 غير اليوم، و51 كاينين تحت التنفس الصناعي الاختراقي.

ووصلات نسبة ملء أسرة الإنعاش ل41,2 فالمية.

بالنسبة لتوزيع الإصابات على الأقاليم والجهات فهو كالتالي: