وكالات//

ورقة نقدية كانت كتسوا 10 آلاف دولار، تحطات فالمزاد العلني باش يبيعوها بزبابل ديال الفلوس، ودار المزادات Heritage Auctions لي كينة فمدينة دالاس الميريكانية، قالت أن هاد الورقة النقدية الاحتياطية الفيدرالية كانو كيخدمو بيها شحال هادي ف1934.

هاد العملة الورقية فيها الوجه ديال وزير الخزانة فعهد الرئيس الميريكاني أبراهام لينكولن لي كان فديك الوقيتة، سالمون بي تشايس.

وشبكة “CNN” قالت إن هاد العملة الورقية تباعت فالمزاد ديال العملات لي كاين ف “لونغ بيتش إكسبو” بالزبابل ديال الفلوس، والمسؤول على دار المزادات قال إن عملية البيع حطمات الرقم القياسي بالنسبة للأوراق النقدية من 1934.