نجوى المالحي- كود//

علنات شركة Mobiblanc، وهي مقاولة مغربية متخصصة فحلول التكنولوجيا الرقمية، على شراكة استراتيجية مع CBI (مركز دعم الاستيراد من الدول النامية)، وهو برنامج تابع للحكومة الهولندية.

هاد الشراكة غادي تعاون Mobiblanc توسّع خدماتها فمجال “الأوفشورينغ” أو تصدير خدمات تكنولوجيا المعلومات نحو السوق الأوروبية.

هاد الخطوة جاية فإطار برنامج “Business Export Coaching Project”، اللي كيدعم الشركات من الدول النامية باش يقوّاو تواجدهم فالسوق الدولية. Mobiblanc وقّعات رسالة التزام مع CBI، وهاد التعاون غادي يستمر لمدة 4 سنين، بهدف تقوية التنافسية ديال الشركة وتشجيع تشغيل الشباب فالمجال التكنولوجي.

محمد بنبّوبكر، الشريك المؤسس والمدير العام المشارك فـMobiblanc قال: “هاد المبادرة كتدخل ضمن استراتيجيتنا الطموحة للتوسع خارج المغرب. كنطمحو نحققو 50% من رقم المعاملات ديالنا فالخارج قبل 2028، مقابل 25% حاليا.”

‏Mobiblanc، اللي تأسّسات فـ2010، باغية تزيد تسرّع نموها الدولي بالاعتماد على عدة مبادرات:
• الدعم ديال CBI
• برنامج “Primo Exportateur” من وزارة التجارة
• مبادرة “Morocco Now” من AMDIE
• وشبكات تعاون بحال APEBI وExchange بلجيكا

بفضل فريق متعدّد اللغات، وفهم عميق للأسواق الأوروبية، والتزامها بالجودة والابتكار، Mobiblanc كترسخ مكانتها كشريك موثوق به فمجال الآوت سورسينغ الأورومتوسطي.