الرئيسية > آش واقع > حصيلة كورونا:951 حالة تشافات فهاد اليومين.. وبقات غير 1250 حالة نشيطة
02/06/2020 17:30 آش واقع

حصيلة كورونا:951 حالة تشافات فهاد اليومين.. وبقات غير 1250 حالة نشيطة

حصيلة كورونا:951 حالة تشافات فهاد اليومين.. وبقات غير 1250 حالة نشيطة

عفراء علوي محمدي- كود//

اليوم الثلاثاء 2 يونيو، حطم المغرب الروكور لليوم الثاني على التوالي فعدد حالات الشفاء اليومية بفيروس كورونا المستجد مللي بدا الوباء لحد الآن، حيت غير فهذ 24 ساعة الأخيرة سجلنا 517 حالة شفاء، ووصلنا فالمجموع ل6410 متعافي، أي بما يفوق 80 فالمية من عدد الإصابات الإجمالي.

وبالتالي، بعدما سجل المغرب 951 حالة شفاء فظرف يومين (48 ساعة)، مع إصابات قليلة بالفيروس، ولا عندنا غير 1250 حالة تحت العلاج ، أي بنسبة تقريبا 16 فالمية من مجموع الإصابات اللي تسجلو من ظهور كورونا فالمغرب هذي 3 شهور بالضبط.

بالنسبة للإصابات، قال معاد المرابط، فندوة الترصد الوبائي لفيروس كورونا المستجد، أن اليوم تسجلات 33 إصابة جديدة، وهكذا وصل عدد المصابين فالطوطال لـ7866، أي بنسبة 21,7 لكل 100 ألف نسمة.

وتم استبعاد 13 ألف و64 حالة إصابة بكورونا خرجات تحاليلها سلبية، وهادي أعلى نسبة ديال الحالات نيگاتيف اللي كتسجل فالمغرب ف24 ساعة، وهذشي بفضل خطة الرفع من عدد التحاليل اليومية، أما العدد الإجمالي ديال التحاليل السلبية فوصل اليوم فالمجموع لـ22 ألف و6785.

و31 من الإصابات ديال اليوم تم اكتشافها فإطار منظومة تتبع المخالطين، اللي شملات فالمجموع 47290، ولحد الساعة مازال 7766 مخالط رهن المراقبة الصحية.

واليوم، تسجلات حالة وفاة جديدة، ووصل العدد لـ206، لكن بقات نسبة الوفيات مستقرة ف٪؜2,6.

وحسب هاد المؤشرات، قال المرابط أن الوضعية الوبائية فتحسن كبير، والمصابين كيتعافاو بصرعة وعدد الإصابات الحرجة انخفضات بشكل كبير،  بفضل المعايير اللي وضعتها اللجنة الاستشارية للتعفنات الحادة، والبروتوكول العلاجي والاستعمال السريع اللي أقرته الهيئة.

وهذا التوزيع ديال الإصابات حسب الجهات  بالنسبة المئوية:

موضوعات أخرى

05/07/2020 10:00

رفيقي عطا للمتخلفين علاش كيقلبو وصرح لـ”كود”: مسألة واش المرا تربي الدراري ولالا هذاك اختيارها.. وتوزيع الأدوار فالأسرة وبحال هاد القضايا كتناقش بعقلانية ولا دخل للدين فيها