الرئيسية > آش واقع > حصيلة كورونا: 9785 خداو الجرعة الأولى من الفاكسان اليوم و7 ماتو أغلبهم فكازا
22/04/2021 16:30 آش واقع

حصيلة كورونا: 9785 خداو الجرعة الأولى من الفاكسان اليوم و7 ماتو أغلبهم فكازا

حصيلة كورونا: 9785 خداو الجرعة الأولى من الفاكسان اليوم و7 ماتو أغلبهم فكازا

كود كازا//

فالحصيلة اليومية لفيروس كورونا المستجد اللي علنات عليها وزارة الصحة اليوم الخميس 22 أبريل، ففهذ 24 ساعة الأخيرة تقاسو 600، وماتو 7، وفالمجموع 5089 مازال كيتعالجو، و9785 خداو الجرعة الأولى داللقاح اليوم.

وهذ الأيام عدد التحاليل مابقاتش تتجاوز  10 الاف تحليلة،وعدد الناس اللي تلقحو بالجرعة الأولى حتى هو نزل على 10 آلاف، بينما اغلب الوفايات المسجلة كاينة فكازا.

وهذو التفاصيل:

التلقيح:

اليوم خداو 9785 الجرعة اللولة داللقاح، ووصل المجموع من نهار بدات حملة التلقيح ل4697873، أما الجرعة الثانية فخداوها اليوم 3519، ووصل مجموع هذ الفئة  ل4203779.

الإصابات:

وتقاسو اليوم 600 واحد من أصل 8762 واحد دار التحليلة، ووصل عدد المصابين فالمجموع ل507938.

ومؤشر الإصابة التراكمي وصل ل1396,6 لكل 100 ألف نسمة، بمعدل 1,6 لكل 100 ألف نسمة فهذ 24 ساعة.

حالات الشفاء:

تشافاو اليوم 520، ووصل الإجمالي ل493873، بنسبة تعافي ديال 97,2 فالمية.

الوفيات:

اليوم ماتو 7، 4 فكازا و1 فمراكش و1 فتيزنيت، ووصل هكذا عدد الوفيات ل8976، بنسبة إماتة ديال 1,8 فالمية.

الحالات النشيطة والحرجة:

عدد الحالات النشيطة  طلعات ل5089، وعدد الحالات الحرجة وصل ل381 حالة، و50 واحد تدهورات حالتو غير اليوم، و14 تحت التنفس الاختراقي، أما نسبة ملء أسرة الإنعاش فنزلات ل12,1 فالمية.

بالنسبة توزيع الإصابات على الأقاليم والجهات فهو كالتالي:

موضوعات أخرى

14/05/2021 19:00

فأكبر بؤرة وبائية ف المغرب. ضريبة الاستهتار فزمان الجايحة بدا كايخلصها حتى الحيوان.. كمامة مستعملة مرمية فالجردة وحلات فعنق ديال حمامة – تصاور

14/05/2021 18:00

فالوقت اللي زعيمها مخبي من العدالة و دخلوه لإسبانيا بوثائق مزورة.. البوليساريو هاجمات عاوتاني مجلس الأمن وكاتحاول تلعب بورقة حقوق الإنسان