الرئيسية > آش واقع > حصيلة كورونا والفاكسان اليوم: علاين 4 مليون دارو الجرعة الثانية داللقاح.. و581 تقاسو و10 ماتو..
02/04/2021 17:37 آش واقع

حصيلة كورونا والفاكسان اليوم: علاين 4 مليون دارو الجرعة الثانية داللقاح.. و581 تقاسو و10 ماتو..

حصيلة كورونا والفاكسان اليوم: علاين 4 مليون دارو الجرعة الثانية داللقاح.. و581 تقاسو و10 ماتو..

كود كازا//

فالحصيلة اليومية دفيروس كورونا المستجد اللي علنات عليها وزارة الصحة اليوم الجمعة 2 أبريل، ففهذ 24 ساعة الأخيرة تقاسو 581، وماتو 10، وفالمجموع 4198 اللي كيتعالجو، وكثر من 3 مليون و800 ألف واخدين الجرعة الثانية دالفاكسان.

التلقيح:

تلقحو فالمغرب ضد كورونا فحدود اليوم 4331082 بالجرعة اللولة، و3840569 خداو الجرعة الثانية منهار بدات حملة التلقيح.

الإصابات:

تقاسو اليوم 581 واحد من أصل 13867 واحد دار التحليلة، ووصل عدد المصابين فالمجموع ل497257.

ووصل مؤشر الإصابة التراكمي ل1367,5 لكل 100 ألف نسمة، بمعدل 1,6 لكل 100 ألف نسمة فهذ 24 ساعة.

حالات الشفاء:

تشافاو اليوم 513، ووصل الإجمالي ل484224، بنسبة تعافي ديال 97,4 فالمية.

الحالات النشيطة والحرجة:

مع ارتفاع حالات الإصابة، عدد الحالات النشيطة طلعو ل4198، وعدد الحالات الحرجة وصلو ل420 حالة، و24 واحد تدهورات حالتو غير اليوم، ووصلات نسبة ملء أسرة الإنعاش ل13,3, فالمية، اما الناس اللي تحت التنفس الاصطناعي الاختراقي فبلغ عددهم 25.

الوفيات:

اليوم ماتو 10، ووصل هكذا عدد دالوفيات ل8835، بنسبة إماتة ديال 1,8 فالمية.

موضوعات أخرى