الرئيسية > آش واقع > حصيلة كورونا هاد السيمانة: 69 مغربي ومغربية ماتو وعدد الإصابات والحالات تحت العلاج ارتفع بزاف.. وها مناطق الخطر
05/08/2020 10:30 آش واقع

حصيلة كورونا هاد السيمانة: 69 مغربي ومغربية ماتو وعدد الإصابات والحالات تحت العلاج ارتفع بزاف.. وها مناطق الخطر

حصيلة كورونا هاد السيمانة: 69 مغربي ومغربية ماتو وعدد الإصابات والحالات تحت العلاج ارتفع بزاف.. وها مناطق الخطر

عفراء علوي محمدي- كود//

فالتصريح الأسبوعي لوزارة الصحة حول الوضعية الوبائية لفيروس كورونا المستجد في المغرب، كشف معاذ المرابط، منسق المركز الوطني لعمليات الطوارئ العامة بوزارة الصحة، ان معدل الإصابة التراكمي دفيروس كورونا المستجد كان اسقر، فمرحلة الحجر الصحي ف1 لكل مئة الف نسمة، بعد رفع الحجر اقترب ل6، وفالرفع المتقدم لمرحلة الحجر وصل ل14، وهذا كيعني أنه فتصاعد مستمر.

وقال المرابط، فالتصريح الاسبوعي فحدود يوم الأحد 2 غشت 2020، ان المناطق الحمراء اللي ارتفعات فيها الإصابات صبحات كثيرة بالمقارنة مع الأسبوع الماضي، بحيث وصلات ل23 مدينة هي: طنجة، الفحص الأنجرة، تطوان، الحسيمة، الرباط، سيدي قاسم، برشيد، كازا، المحمدية، سطات، النواصر، مراكش، الداخلة، جرادة، فاس، مكناس، مولاي عقوب، صفرو، الرشيدية، ورزازات، بني ملال، وخنيفرة.

هذ السيمانة وصل عدد الوفيات فيها ل69 وفاة، وهو اعلى معدل كيف قال لمرابط لحد الآن، بينما عدد الوفيات فهذ الشهر الاخير بلغ 125، وهو عدد مرتفع بالمقارنة مع اعداد الوفيات اللي تسجلات فماي ويونيو، فاش كان الحجر الصحي، بحيث فيونيو مثلا تسجلات غير 23 فشهر كامل.

بالنسبة للحالات النشيطة، هي كذلك فارتفاع مستمر، بحيث معدلها وصل فالاحد الأخير ل18,5 لكل مئة ألف نسمة.

لكن فالمقابل كاين ارتفاع فعدد التحليلات اليومية للكشف على الفيروس، فالأحد وصل عدد التحليلات ل21146 تحليلة، وهو أعلى رقم يومي سجلو المغرب لحد الآن، وباقي كاين امل يزيد من عدد التحليلات مستقبلا، كيف قال لمرابط.

موضوعات أخرى