الرئيسية > آش واقع > حصيلة كورونا ف24 ساعة: 110 تصابو و197 تشافاو.. الطوطال 7133.. واليوبي : تجاوزنا 4000 حالة شفاء والوفيات انخفضات
20/05/2020 16:30 آش واقع

حصيلة كورونا ف24 ساعة: 110 تصابو و197 تشافاو.. الطوطال 7133.. واليوبي : تجاوزنا 4000 حالة شفاء والوفيات انخفضات

حصيلة كورونا ف24 ساعة: 110 تصابو و197 تشافاو.. الطوطال 7133.. واليوبي : تجاوزنا 4000 حالة شفاء والوفيات انخفضات

عفراء علوي محمدي- كود//

اعلن محمد اليوبي، مدير مديرية الأوبئة ومحاربة الأمراض، على تسجيل 110 إصابة جديدة بفيروس كورونا المستجد فهذ 24 ساعة الأخيرة، ووصل عدد المصابين فالمجموع لـ7133.

من هذ الحالات الجديدة، قال اليوبي، فالندوة اليومية للترصد الوبائي لفيروس كورونا المستجد، اليوم الأربعاء، ان 87 فالمية منها تكتاشفات عن طريق عملية تتبع المخالطين، أي تحديدا 95 حالة.

وكشف اليوبي ان أكبر عدد ديال الإصابات اليوم تسجل فبؤر ووحدات صناعية فجهة كازا سطات، بينما تسجلات بؤر جديدة فجهة فاس مكناس، حيث يتعلق الامر بتجمع سكني، بالإضافة لبؤرة جديدة فجهة طنجة فيها 7 حالات.

والمختبرات اليوم استبعدات 5527 حالة كان مشتبه إصابتها بالفيروس، وهكذا وصل عدد الحالات المستبعدة فالمجموع ل98 ألف و871.

واليوم تسجلات، حالة وفاة جديدة، وبلغ العدد فالمجموع لـ194، ونسبة الإماتة زادت نزلات ل2,7 فالمية.

بالنسبة لحالات الشفاء، تسجلات 197 حالة إضافية، ووصل عدد المتعافين فالطوكال لـ4098، وتخطينا عتبة 4000 حالة، بنسبة شفاء كتتحدد ف57,5 فالمية.

وقال اليوبي انه كاين تحسن فالمؤشرات المتعلقة بالوفيات وحالات التعافي، لكن مازال المغرب كيسجل ارتفاع فالحالات الجديدة، خصوصا على مستوى البؤر، واخا الحالات اللي تحت العلاج بدات تنقص شوية بشوية.

وهذا التوزيع ديال الإصابات فالجهات بالنسبة المئوية:

موضوعات أخرى