الرئيسية > آش واقع > حصيلة كورونا فهاد 24 ساعة.. 1144 تصابو و14 ماتو و559 براو.. الطوطال: 29644 إصابة و449 توفاو و20553 تشافاو و8642 كيتعالجو
06/08/2020 17:30 آش واقع

حصيلة كورونا فهاد 24 ساعة.. 1144 تصابو و14 ماتو و559 براو.. الطوطال: 29644 إصابة و449 توفاو و20553 تشافاو و8642 كيتعالجو

حصيلة كورونا فهاد 24 ساعة.. 1144 تصابو و14 ماتو و559 براو.. الطوطال: 29644 إصابة و449 توفاو و20553 تشافاو و8642 كيتعالجو

عفراء علوي محمدي- كود//

سجل المغرب اليوم الخميس 1144 إصابة جديدة بفيروس كورونا، وهكذا وصل الطوطال لـ29644، أي بمعدل إصابة تراكمي كيساوي 81,6 لكل 100 ألف نسمة، و3,2 لكل 100 ألف نسمة فهاد 24 ساعة.

وقال المسؤول على قسم الطوارئ فوزارة الصحة، معاذ المرابط، أنه 86 فالمية من الإصابات الجديدة تسجلو فجهات كازا سطات، ومراكش آسفي، وفاس مكناس، وطنجة تطوان الحسيمة، و77 فالمية تحديدا فأربعة مدن هي كازا ومراكش وفاس وطنجة.

75 فالمية من هاد الحالات، أي 858 تحديدا، تم اكتشافها عن طريق تتبع المخالطين، اللي وصل المجموع ديالهم لـ131494، منهم 19776 باقيين تحت المراقبة.

بالنسبة للتوزيع الجغرافي ديال الحالات فهو كالآتي:

جهة كازا سطات 383: (كازا 363، مديونة 13، المحمدية 6، وبنسليمان 1)
جهة مراكش آسفي 289: (مراكش 269، الحوز 13، آسفي 3، قلعة السراغنة 2، وحالة واحدة فكل الرحامنة وشيشاوة)
جهة فاس مكناس 202: (فاس 146، تازة 26، مكناس 13، تاونات 11، إفران 3، الحاجب 2، وحالة واحدة فمولاي عقوب)
جهة طنجة تطوان الحسيمة 109: (طنجة 99، تطوان 9، وحالة واحدة فالعرايش)
جهة الرباط سلا القنيطرة 74: تمارة 25، الرباط 22، سيدي قاسم 14، سلا 2، وحالة واحدة فسيدي سليمان والقنيطرة)
جهة درعة تافيلالت 33: (ورزازات 16، ميدلت 8، زاكورة 5، الراشيدية 3، وتنغير حالة واحدة)
جهة بني ملال خنيفرة 31: (بني ملال 22، أزيلال 5، خنيفرة 2، وحالة واحدة فكل من الفقي بنصالح وخريبكَة)
الجهة الشرقية 14: (جرادة 8، تاوريرت وكَرسيف 2 لكل منهما، وحالة واحدة فكل من بركان وفيكَيكَ).
سوس ماسة 5: (بأكادير)
جهة الداخلة واد الذهب 2: (بالداخلة)
جهة العيون الساقية الحمرا 1: (بالعيون)
جهك كَلميم وادنون 1: (بطانطان).

ومات اليوم 14 مغربي ومغربية، 3 منهم فكل من فاس وكازا، و2 فكل من الرباط وطنجة، وحالة وفاة وحدة فكل من الرشيدية ووازان والعيون والصويرة، وهكذا وصل مجموع المتوفين لـ449.

بالنسبة لحالات الشفاء، تسجلات 559 حالة، ليصل المجموع لـ20553، بنسبة تعافي ديال 69,3 فالمئة، وهاد النسبة انخفضات بزاف بسبب ارتفاع عدد الحالات الجديدة، حيت كانت فوقت سابق وصلات لـ90 فالمية.

والحالات النشيطة بلغ عددها 8642 حالة، أي بمعدل 24 حالة لكل 100 ألف نسمة، وهو أعلى معدل منذ بداية الوباء، وكتجي طنجة فمقدمة الجهات اللي فيها أعلى نسبة (2296) بمعدل 60 لكل مئة الف نسمة، ثم فاس مكناس فيها 1922، بمعدل 43 لكل 100 ألف نسمة، وكازا سطات 2073، بمعدل 28 لكل 100 ألف نسمة، ومراكش آسفي 1071، بمعدل 22 لكل 100 ألف نسمة، وكتبقى جهة كلميم وادنون هي اللي عندها أقل نسبة ديال الحالات النشيطة، بحيث كتتعالج فيها حالة واحدة فقط.

و115 من الحالات اللي مازالة كتعالج فحالة خطيرة، وهو أعلى رقم تسجل لحد الآن، منهم 18 تحت التنفس الاصطناعي، وكيتواجدو 41 فكازا سطات (13 تحت التنفس الاصطناعي)، و29 فمراكش آسفي، و21 فطنجة تطوان الحسيمة (منهم وحدة تحت التنفس الاصطناعي)، و13 ففاس مكناس (منهم 2 تحت التنفس الاصطناعي)، و8 فالرباط سلا القنيطرة (منهم 2 تحت التنفس الاصطناعي)، و3 حالات فسوس ماسة.

واليوم تستبعدات 21122 حالة إصابة، ووصل المجموع 1354172 بعد ما خرجات تحاليلهم سلبية.

وهذا التوزيع الجغرافي للحالات بالنسبة المئوية:

موضوعات أخرى

01/10/2020 21:30

حصيلة كورونا فالأقاليم والجهات اليوم: غير 4 دالمديريات اللي علنات على التفاصيل.. و1250 إصابة جديدة فكازا سطات.. وأعلى نسبة دالشفاء كانت فسوس لليوم الثالث