الرئيسية > آش واقع > حصيلة كورونا فالجهات هاد الصباح: 48 إصابة فكازا و15 ففاس مكناس.. وها باقي التفاصيل
08/07/2020 10:30 آش واقع

حصيلة كورونا فالجهات هاد الصباح: 48 إصابة فكازا و15 ففاس مكناس.. وها باقي التفاصيل

حصيلة كورونا فالجهات هاد الصباح: 48 إصابة فكازا و15 ففاس مكناس.. وها باقي التفاصيل

عفراء علوي محمدي- كود//

جميع الجهات تقريبا سجلات إصابات جديدة بفيروس كورونا المستجد هذ الصباح، واللي ممكن حسابها عن طريق النسبة المئوية اللي كتعطي وزارة الصحة فالموقع ديالها المخصص بالرصد الوبائي لهذ الفيروس.

لكن هذ الجهات ماسجلات إصابات كثيرة بالمقارنة مع جهة كازا سطات اللي جابت 48 حالة جديدة هذ الصباح، وهذي أعلى حصيلة يومية للجهات هذ الصباح، وفالمجموع بلغات 3765.

بالنسبة للجهات الأخرى، جهة فاس مكناس سجلات 15 إصابة، ووصلات ل1635 مصاب فالمجموع، وجهة مراكش آسفي والجهة الشرقية سجلو 13 إصابة، وبلغو على التوالي 2618 و245 فالطوطال، بينما جهة العيون سجلات 12 ووصلات ل728، وجهة طنجة جابت 11 وبلغات 2727.

جهات أخرى سجلات إصابات لكن قليلة وممكن حسابها على رؤوس الصبعان، وهي جهات الرباط سلا القنيطرة وجهة كَلميم وادنون اللي سجلو 5 إصابات وبلغ مجموعهم 2022 و125 على التوالي، ثم جهة بني ملال سجلات جوج حالات ووصلات ل165 مصاب فالمجموع.

بينما جهات درعة تافيلالت وسوس ماسة والداخلة واد الذهب ماسجلوش إصابات جديدة، وبقى المجموع ديالهم مستقر ف 586 و92 و16 إصابة على التوالي.

و”كود” غاتجيب باقي التفاصيل ديال الوضعية الوبائية فالجهات والأقاليم فالعشية.

موضوعات أخرى

14/08/2020 13:30

العلاقات الإماراتية الإسرائيلية الجديدة.. بنعبد الله لـ”كود”: هاد الخطوة مغادي تجيب حتى شي إضافة إيجابية لإقرار الحقوق المشروعة للشعب الفلسطيني