الرئيسية > آش واقع > حصيلة كورونا فالجهات هاد الصباح: العيون تصابو فيها 67 ف 16 الساعة.. وجهة طنجة 61 وها باقي التفاصيل
29/06/2020 10:30 آش واقع

حصيلة كورونا فالجهات هاد الصباح: العيون تصابو فيها 67 ف 16 الساعة.. وجهة طنجة 61 وها باقي التفاصيل

حصيلة كورونا فالجهات هاد الصباح: العيون تصابو فيها 67 ف 16 الساعة.. وجهة طنجة 61 وها باقي التفاصيل

عفراء علوي محمدي- كود//

هذ الصباح، وفظرف 16 ساعة، تسجلو بزاف ديال الإصابات بفيروس كورونا المستجد فمختلف جهات المغرب، وجهة العيون الساقية الحمرا هي اللي سجلات أكبر حصيلة يومية، بحيث تصابو فيها 67 شخص، وبلغ المجموع دالمصابين عندها 456.

وحسب النسب المئوية اللي علنات عليها وزارة الصحة اليوم، فالموقع الخاص بالرصد الوبائي لفيروس كورونا، فمجموعة من الجهات الأخرى سجلات إصابات اليوم، وأهمها جهة طنجة تطوان الحسيمة اللي سجلات 61 إصابة، ووصل المجموع دالمصابين فيها ل2194، وجهة الرباط سلا القنيطرة اللي سجلات 19 إصابة، وصبح مجموع الإصابات فيها 1953، وجهة فاس مكناس اللي سجلات حتى هي 19، ووصل مجموع الإصابات عندها ل1228، وجهة كازا سطات سجلات 14 ووصلات ل3379 إصابة فالمجموع، ثم مراكش آسفي اللي سجلات 12 ووصلات ل1915 إصابة، بينما باقي الجهات ماسجلات حتى إصابة.

وفهذ 16 ساعة الأخيرة، أي من 6 دالعشية دالبارح الأحد ل10 دالصباح داليوم الإثنين، سجل المغرب 196 إصابة جديدة، ووصل المجموع ل12248.

وكيف عودات قراءها، “كود” فالعشية غدي تنشر جميع تفاصيل الوضعية الوبائية للجهات والأقاليم ف24 ساعة.

موضوعات أخرى

02/07/2020 09:01

كيفاش ولات الرحلات الجوية مع هاد الجايحة: فرحلة فيها 2 سوايع خاصك تبقى داير لكمامة 6 سوايع والخوف من المطار وبنادم قتل متعة التسافيرة واللي ماشي ضروري يتحرك غير يبقى فمدينتو