الرئيسية > آش واقع > حصيلة كورونا اليوم: الفيروس قاس 1152 واحد وقتل 32 و16544 مازال مصابين وكيتعالجو منو
20/01/2021 17:45 آش واقع

حصيلة كورونا اليوم: الفيروس قاس 1152 واحد وقتل 32 و16544 مازال مصابين وكيتعالجو منو

حصيلة كورونا اليوم: الفيروس قاس 1152 واحد وقتل 32  و16544 مازال مصابين وكيتعالجو منو

كود كازا//

علنات وزارة الصحة، اليوم الأربعاء، على إصابة 1152 واحد بفيروس كورونا المستجد، من أصل 15514 تحليلة تدارت اليوم، ووصل عدد المصابين فالمجموع ل462542.

وحسب نشرة كوفيد 19 اليومية، وصل مؤشر الإصابة التراكمي ل1273 لكل 100 ألف نسمة، بمعدل 3,1 لكل 100 ألف نسمة فهذ 24 ساعة.

وماتو اليوم 32 واحد، وبلغ الإجمالي 8043، بنسبة فتك ديال 1,7 فالمية.

وتشافاو اليوم 1329، ووصل الإجمالي ل437955، بنسبة تعافي 94,7 فالمية.

وتحددو عدد الحالات النشيطة ف16544، وعدد الحالات الحرجة ف865 حالة، ومعمرين دابا أسرة الإنعاش بنسبة 27,4 فالمية.

ومن الحالات الخطيرة، 73 تدهورات حالتهم غير اليوم، و65 تحت التنفس الاصطناعي الاختراقي.

وكتتوزع الإصابات والوفيات الجديدة على الجهات والأقاليم كما يلي:

وهذا المنحنى الوبائي اليومي:

موضوعات أخرى