الرئيسية > آش واقع > حصيلة كورونا فهاد 24 ساعة: 45 تصابو و107 تشافاو و2 ماتو.. الطوطال: 7577 حالة و4881 متعافي
26/05/2020 18:30 آش واقع

حصيلة كورونا فهاد 24 ساعة: 45 تصابو و107 تشافاو و2 ماتو.. الطوطال: 7577 حالة و4881 متعافي

حصيلة كورونا فهاد 24 ساعة: 45 تصابو و107 تشافاو و2 ماتو.. الطوطال: 7577 حالة و4881 متعافي

عفراء علوي محمدي- كود//

اعلن محمد اليوبي، مدير مديرية الأوبئة ومحاربة الأمراض فوزارة الصحة، على تسجيل 45 إصابة جديدة بفيروس كورونا المستجد فهذ 24 ساعة الأخيرة، أي من الستة دلعشية لبارح الاثنين حتى للستة دالعشية اليوم الثلاثاء، وهكذا وصل عدد المصابين فالمجموع لـ7577.

وكشف اليوبي، فالندوة اليومية للترصد الوبائي لفيروس كورونا المستجد، أن 37 من هذ الحالات الجديدة تم اكتشافها عن طريق عملية تتبع المخالطين لحالات مرضية أخرى، وقال أن 37 حالة من هذ الحالات تكتاشفات فجهة كازا سطات، و5 فمراكش آسفي و3 فجهة طنجة تطوان، بينما ماتسجلات حتى حالة فالتسع جهات المتبقية.

وبالنسبة للناس اللي تشافاو ، تسجلات اليوم 107 حالة، وبلغ المجموع 4881، و2494 هو عدد الحالات النشيطة، اللي كتخضع للعلاج أو اللي كملات فترة العلاج ولازالت تحت المراقبة، وهذا كيعني أن حالات الشفاء صبحات ضعف الحالات النشيطة”.

وكيتحدد معدل العمر ديال الحالات النشيطة ف35 سنة، وكاين انخفاض كبير فالإصابات اللي فوق 65 سنة، واللي كتشكل غير 4,3 فالمائة، وبالنسبة للجنس فنسبة الإناث محددة ف58 فالمئة، بينما الذكور فكتبلغ 42 فالمئة.

واليوم تسجلات 2 وفيات، وبلغ العدد فالمجموع 202، ونسبة الإماتة استقرات ف2,7 فالمية.

وشار اليوبي ان اليوم تم استبعاد 9117 حالة كان مشتبه إصابتها بالفيروس، وبلغ عدد الحالات المستبعدة فالمجموع 153 ألف و788 حالة.

وبناء على كَاع هذ المؤشرات، قال اليوبي انه كاين تحسن كبير فالحالة الوبائية لفيروس كورونا فالمغرب، خصوصا فمؤشرات خطورة المرض وانتشارو ونسبة الوفيات، كيف كاين تحسن فبعض الجهات بحيث أنها ماسجلات حتى حالة خلال أيام وأخرى ماسجلات حتى حالة فهاد 24 ساعة.

وهذا توزيع الإصابة بكورونا فالجهات بالنسبة المئوية:

موضوعات أخرى