الرئيسية > ميديا وثقافة > حصيلة النصف اللول من 2021: اتصالات المغرب وصلات لـ74 مليون كليان وسجلات رقم معاملات موحد بقيمة 17780 مليون درهم
27/07/2021 10:00 ميديا وثقافة

حصيلة النصف اللول من 2021: اتصالات المغرب وصلات لـ74 مليون كليان وسجلات رقم معاملات موحد بقيمة 17780 مليون درهم

حصيلة النصف اللول من 2021: اتصالات المغرب وصلات لـ74 مليون كليان وسجلات رقم معاملات موحد بقيمة 17780 مليون درهم

عفراء علوي محمدي- كود//

كشفات مجموعة اتصالات المغرب ارتافع عدد كليانها ل74 مليون كليان، برسم الفصل الأول من 2021، بزيادة بنسبة 7,5 فالمية مقارنة مع متم يونيو 2020، مدفوعة بالارتفاع المهم في قاعدة زبناء الفروع (زائد 11,1 فالمية)

وزادت المجموعة فبلاغ ليها استعرضات فيه حصيلة النتائج الموحدة النصف سنوية سنة 2021، انها سجلات رقم معاملات موحد بقيمة 17780 مليون درهم، بانخفاض ديال 3,0 فالمية، وتم بهذشي تعويض التراجع فأنشطة النقال في المغرب جزئيا بدينامية النمو الجديدة اللي كيعرفها الأنترنت عالي الصبيب في المغرب، وأنشطة الفروع.(زائد 4,7 فالمية).

وفالنصف الأول من سنة 2021 دائما، وصلات نتيجة الأرباح قبل الفوائد والضرائب والإهلاك والاستهلاك إلى 9160 مليون درهم، وتم الحفاظ على هامش ارباح فمستوى مرتفع بلع 51,5 فالمية.

وبلغات نتيجة التشغيل 5571cمليون درهم، بانخفاض 4,5 فالمية فتوجه مشابه للأرباح قبل الفوائد والضرائب والاستهلاك والإهلاك، وبلغ هامش التشغيل 31,3 فالمية.

وعلى المستوى الوطني، تراجع رقم المعاملات فالمغرب بنسبة 7,1 فالمية فالنصف الأول من 2021، باش يوصل ل9774 مليون درهم، كيف بلغات نتيجة الأرباح قبل الفوائد والضرائب والإهلاك والاستهلاك المعدلة 5390 مليون درهم، بانخفاض 9,9 فالمية مقارنة بالنصف الأول من سنة 2020، وحافض هامش الأرباح على مستوى مرتفع ف55,1 فالمية.

أما على المستوى الدولي، حققات المجموعة رقم معاملات للأنشطة الدولية للمجموعة بقيمة 8515 مليون درهم، بزيادة 2,4 فالمية، وهذشي بفضل النمو فالأنترنت النقال بزائد 15,4 فالمية، وخدمات موبايل ماني بزائد 28,4 فالمية، كيف بلغات نسبة الأرباح قبل الفوائد والضرائب والإهلاك والاستهلاك المعدلة 3771 مليون درهم بزيادة 4,1 فالمية، وبزيادة 4,2 فالمية بأسعار صرف ثابتة.

موضوعات أخرى

20/09/2021 18:00

هل هذا هو الجزاء الذي يستحقه الاتحاد الاشتراكي! كم أساء هذا الحزب لنفسه من أجلكم. وكم ضحى بسمعته. وفي النهاية تستكثرون عليه مشاركة في الحكومة

20/09/2021 17:00

لشكر قافز فالسياسة. باوراق قليلة رون التحالف الثلاثي بين لحمامة والتراكتور والميزان. معادلتو: اما الحكومة او مشات ليكم عمودية الرباط وجهة كليميم