الرئيسية > تبركيك > حصلات حصلة خايبة.. دنيا باطمة تراجعات على اقوالها فقضية “حمزة مون بيبي” ولصقات كلشي فسكينة “گلامور”
19/05/2020 15:00 تبركيك

حصلات حصلة خايبة.. دنيا باطمة تراجعات على اقوالها فقضية “حمزة مون بيبي” ولصقات كلشي فسكينة “گلامور”

حصلات حصلة خايبة.. دنيا باطمة تراجعات على اقوالها فقضية “حمزة مون بيبي” ولصقات كلشي فسكينة “گلامور”

نجوى المالحي-كود//

كشف مصدر قريب من ملف “حمزة مون بيبي” لي متابعة فيه المغنية دنيا باطمة، أنها تراجعت في البحث التمهيدي معاها على الأقوال لي قالت لضابطة الشرطة القضائية، ونفات علاقتها بالحساب، وعلاقة حتى ختها ابتسام بالقضية.

وقال مصدر لـ”كود” أن دنيا اعترفت بعدما تمت مواجهتها بالأدلة لي نتجت عن الخبرة التقنية على الهاتف الخاص بها، ولي أكد أنها كتعرف صاحب حساب “حمزة مون بيبي”، على عكس ما قالت في الأول فاش كانت أكدت أنها ما كتعرفوش والأكثر من هذا، كانت قلت انها ما متبعاش الحساب بمرة.

دنيا باطمة أكدت من بعد الحصلة، أنها كانت على علاقة غير بسكينة “گلامور”، وهي لي كانت كتطلب منها تنتقم ليها من أي واحد كيدخل معاها في صراع، ومن بينهم المغنية سعيدة شرف لي تم اتهامها بانها “انفصالية” وتم التشكيك في الوطنية ديالها.

دنيا باطمة بالتأكيد كتحاول تبرأ راسها، وقالت أنها ما كانتش كتوافق سكينة على الأفعال لي كتقوم بها من خلال الحسابات، وأي هجوم (من غير لي كانت كتطلب منها)، كان اجتهاد شخصي منها وفقط.

موضوعات أخرى

01/06/2020 21:30

الوضعية الوبائية لكورونا فجهات وأقاليم المغرب اليوم فتحسن: أكثر من 350 حالات شفاء تسجلات اليوم فجهتي كازا والرباط.. وجهة الداخلة مابقاش فيها الفيروس