الرئيسية > كود سبور > حشومة وعار.. مسؤولو الرجا وصحافييها عربدوا وشيشوا فحفل الترجي وغناو على الوداد أغنية “الوزة الله يهديك” أمام أنظار التوانسة.. وكلشي بغى يتصور مع الرئيس اللي سب المغاربة
25/01/2020 19:00 كود سبور

حشومة وعار.. مسؤولو الرجا وصحافييها عربدوا وشيشوا فحفل الترجي وغناو على الوداد أغنية “الوزة الله يهديك” أمام أنظار التوانسة.. وكلشي بغى يتصور مع الرئيس اللي سب المغاربة

حشومة وعار.. مسؤولو الرجا وصحافييها عربدوا وشيشوا فحفل الترجي وغناو على الوداد أغنية “الوزة الله يهديك” أمام أنظار التوانسة.. وكلشي بغى يتصور مع الرئيس اللي سب المغاربة

مصطفى الشاذلي – كود سبور//

حتى واحد ما كان كايعتقد أن المنافسة والندية وقندرو نسميوها تجاوزا عداوة بين الرجاء البيضاوي وغريمه التقليدي الوداد البيضاوي، غادي توصل في يوم من الأيام إلى حد أن ينشر مسؤولو الرجاء غسيل هاد العداوة خارج أرض الوطن وامام من؟

أمام أنظار مسؤولي واداريي الترجي التونسي في حفل العشاء، اللي تقام على شرف بعثة الرجاء البيضاوي البارح السبت.

هاد الفريق التونسي، اللي خطف لقب الشامبيون سليگ من الوداد البيضاوي، وأكثر من هاد الشي كامل استفز المغاربة كاملين منين نشر خريطة المغرب مبتورة من صحرائه.

يعني بصريح العبارة أن الترجي والرئيس ديالو حمدي المؤدب جبدو المغرب والمغاربة بالعيب والعار، واللي شكك في وحدتنا الترابية خاصنا نديرو عليه خط احمر، هادي هي الوطنية الحقة، المفروض أن تكون عند اي فريق كيمثل المغرب في المسابقات الخارجية.

حشومة وعار…مسؤولو الرجا وصحافييها عربدوا وشيشوا فحفل الترجي وغناوا على الوداد أغنية "الوزة الله يهديك" أمام أنظار التوانسة…كلشي بغى يتصور مع الرئيس اللي سب المغاربة

Publiée par GOUD sur Samedi 25 janvier 2020

من حق الرجاء البيضاوي يقبل حفل ديال العشاء، هادشي عادي ومزيان في إطار مبادئ الروح الرباضية وتوطيد العلاقات بين الشعوب، لكن أن يتحول فريقنا الموقر إلى مهرج ويستفز غريمو الوداد، هادشي ما شي معقول وربما نسميوها قلة حياء ومروءة، المفروض ان يتحلى بها مسؤولو الرجاء.

ما معنى أن يغني مطرب أو مهرج اغنية “الوداد وا الوزة الله يهديك” يهديها على من؟ على الترجي اللي سرق منها اللقب أمام أنظار العالم.

الغريب في الأمر أن عبد السلام حنات، المفروض أن يكون رجل حكمة وتبصر كان في الحفلة وربما شاف بعينيه كل ما حصل في قاعة الحفلة ولم يحرك ساكنا.

هاد الحفلة كان فيها كلشي الشيشة والشراب والسيگار، مسيرون وصحافيون نشطوا مع راسهوم…ٱسيدي هاد شي شغلهم، لكن علاش يجبدو الوداد وينعتوها بالوزة وأكثر من ذلك يتسابقوا باش يتصوروا مع رئيس الترجي، اللي استفز المغرب والمغاربة. حشومة وعار يا رجاء.

موضوعات أخرى

22/02/2020 20:30

المحمدية من مدينة ديال الورد لمدينة تحتل شوارعها الكلاب.. السلطات باغيين حل وخايفين يتكرر سيناريو الكلاب المسعورة ديال الحسيمة وانزكان وكلميم