گود سبور//

كيعيشو الأبطال المغاربة من ذوي الاحتياجات الخاصة وضع صعيب خلال التحضيرات ديالهم للألعاب البارلمبية المقبلة فباريس، وكيتشكاو بزاف من الظروف اللي ما مناسباش.

وخرج البطل المغربي العالمي والبارالمبي أيوب السادني وفرگع الرمانة، وكشف الوضع اللي كيعيشو هو وصحابو الأبطال من ذوي الاحتياجات الخاصة خلال الاستعدادات ديالهم للألعاب البارالمبية.

ونشر أيوب السادني تدوينة فالفيسبوك قال فيها: “كالك كنوجدو الألعاب الأولمبية لا حولا ولا قوة إلا بالله وهادوك الناس لكالو لنا دايرين ادراب أشريف راه المشكل هو حنايا ميمكنش نمشيو لشي بلاصا مافيها حتى حاجا كتحمر لوجه او حتى شي واحد محاشاها لنا او كيكولك ديرو تفسير واش حنايا كنوجدو الألعاب الأولمبية او بغاونا نمشيو لواحد لمركز”.

وزاد السادني ووضح: “(لا ماكلة لا ملعب لمكان الإقامة) لا حتى حاجة مقادة اجي اكلس معانا شي مسؤول غير سيمانة تماك ونشوفو واش غادي يقدر على داك العيشة. للأسف الرياضيين ومدربيهم وحدهم من يحاولون رفع الراية في ظل سقوطها من طرف التسيير شكرا لك مدربي وأبي التاني حيت نتايا للقيتك واقف معايا او ديما فجنبي.. ديما مغرب”.